Ki ma mamm

Maria ‘zo hanter-kant vloaz. Perc’hennez eo war un ti ficherezh-vlev, asambles gant he dousigez Rosie. Da heul o fratikezed o deus koshaet ivez. Kalzig a bennoù gwennaet a zeu d’ar saloñs e aergelc’h familh ha gae. Mamm Maria a zo en ti-retred dibaoe un nebeut mizioù met Maria ne ya ket da vizitañ anezhi. Re ziaes eo dezhi tallañ diouzh kozhentez he mamm karet, aesoc’h eo dezhi tec’hout kuit.

Mai Lincoln

E 2011, goude studioù war ar geografiezh hag ar c’hêraozañ he doa Mai Lincoln kensevenet he zeulfilm kentañ : « Din-me da c’hoari » kenbroduet gant Kalanna ha Frañs 3 Breizh. Er bloaz-se ivez he doa kroget d’en em stummañ war ar c’hoariva e kreizenn c’hoariva Brest. Abaoe e vez lodennet hec’h amzer etre ar vicher sevenourez filmoù (Etre-daou, Maner Laou), komedianez (Mouchig dall, Paritito, Teatr Piba, eilmouezhiañ) ha skoazellerez leurenniñ evit ar c’hoariva pe ar sinema. “Ki ma mamm” a zo he film faltazi kentañ.